「四连和」背后 车路士正酝酿着四大问题

  •    2020-05-28
  • -请支持蓝狮 Facebook专页-《原创文章 欢迎转载 请列明出处 谢谢》「四连和」背后 车路士正酝酿着四大问题 按此观看图片 .图片来源 : 411 UG能够做出连续三场不失球记录,对一队球队黎讲绝对係一件好事,但如果同时间连续不胜,更未能取得一球进帐,就绝非好事。而干地所带领既车路士正正面对着哩个问题,连接埋岩岩联赛主场和左李斯特城后,球队经已录得连续四场和波以及三场零入球,究竟问题出于干地、球员还是有其它因素?一齐分析一下。1 - 343与352之间的角力上季干地带领车路士以343阵式冲击英超,而意大利人喺今季开始尝试使用352阵式,希望进一步加强中场球员人数去夺取比赛操控权,得出效果好坏参半,中场球员显得不习惯,尤其係新加盟既巴卡约高最为严重。在对阵李斯特城既赛后访问时,干地指出今场以352作首发阵式并无问题,但睇得到既係对手不断利用边路去製造攻势,基本上都唔会同你「打中路」,三中场可以话形同虚设,而下半场转为343阵式后球队明显主导番比赛节奏,先似番一队主场球队,係咁既话真係干地所讲既并非阵式问题?2 - 巴卡约高定位不清自加盟后一直都拎唔出有力表现去说服球迷,就连名宿林佰特近日亦忍唔住口出声,指出法国人既身体语言同反应都好慢,而且跑动量少,就连一啲基本野都无改进过。唔难发现巴卡约高喺担当三中场时,定位会显得非常唔清晰,同乡简迪职责为扫蕩防守作主,而前者同法比加斯为间既工作就似乎有啲重叠左,基本上无论进攻定防守,巴卡约高都好似样样都唔係咁,如同打少个,反而一转番343,出镜次数就会因应提升,睇黎干地真係要谂谂计帮佢提升一下信心同釐清番场上工作。3 - 前线哑火?因应三场不入球,首当其冲必定归咎于前线攻击球员未能入球,但其实问题係咪真係在于佢地?针对讲番对李斯特城哩场波,上文都有讲过话对手不断透过边路製造攻势,导致到两边翼卫马高斯阿朗素同摩西斯在受压下唔敢过于进取到前场助攻,同时中场亦只靠法比加斯既零星输送,前线受供应不足影响,引致到夏萨特等人经常性要回后拎波,自然带波既跑动既距离远左。当然,球员疲态係见得到,状态亦非处于高峰,莫拉达以及夏萨特既出场时间绝对需要韦利安同柏度等人平均摊分,否则黎紧攻力疲弱既问题就只係会继续延续落去。 4 - 板凳深度不足哩个都唔係今时今日所讲既问题,由季初至今车路士在多个位置既人手一直都唔係处于四线作战既正常水平,长期用死同一班球员而且赛事一场接着一场,就算你话有轮换其实选择唔係多之下咪又係果几个。而在一月转会窗展开不久后,经已确立从爱华顿引进中场球员巴克里,可以话高层今次都算做番件好事。但其它位置无论左翼卫、边路还是前锋都需要人手补充,今次真係要快手完成,如果唔係车路士下半季真係大把失分空间,到时好大机会前四都不保。总结转会传闻愈黎愈多,真正要留待到一月过后至可以为高层在引进新球员工作方面下定论,而依加干地就只能见步行步,但希望意大利人在赛前布阵及战术安排方面可以做得更加完善,过份在人手不足以及状态不佳既情况下执着于使用352阵式对双方都无好处,再喺临场调动改变安排也只会为时已晚。文章最后更新时间 : 15/01/2018 13:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

  • 相关新闻